Гульнёвая мадэль змены

Гульнёвая мадэль змены

Лагерная змена праводзіцца ў форме сюжэтна-ролевай гульні. Згодна з легендай,  злы чараўнік пасварыў колеры  вясёлкі і яны рассыпаліся па лузе рознакаляровымі кветкамі. У пачатку змены дзеці становяцца ўдзельнікамі гульні - “У пошуках вясёлкі”.  За час гульні патрэбна паказаць важнасць і значнасць кожнага колеру вясёлкі. Кожны колер вясёлі - сімвал жыцця, сімвал роднага краю.

Лагерная змена дзеліцца на сем тэматычных перыядаў, згодна з колерамі вясёлкі.

1.    Завешся ты ласкава Белай Руссю (колер дня – чырвоны)

2.    Здаровы я – здаровая краіна (колер дня – аранжавы)

3.    Я за сонейкам іду (колер дня – жоўты)

4.    Ляснымі сцяжынкамі (колер дня – зялёны)

5.    Блакітныя стужкі Радзімы маёй (колер дня – блакітны)

6.    Насустрач прыгодам (колер дня – сіні)

7.    Гартаючы гісторыі старонкі (колер дня – фіялетавы)

Гульнявая задача змены: сабраць усе колеры вясёлкі. У канцы змены вясёлка заззяе усімі сваімі фарбамі.

Лагерная змена мае сваю назву і сваё кіраванне:

¾   дзеці лагера - весяляты;

¾   начальнік лагера -  губернатар краіны “Весялінкі”;

¾   старэйшы выхавальнік - галоўны саветнік;

¾   выхавальнікі - чараўнікі;

¾   медсястра - галоўны лекар чароўнай краіны;

¾   планѐрка педагогаў лагера – савет чараўнікоў;

¾   агульны сход лагера  - вялікая Рада

¾   спартыўная пляцоўка лагеря - даліна спорту.

¾   сталовая - трапезная

¾   узнагароды за поспехі ў лагеры, (па іх праводзіцца маніторынг актыўнасці атрадаў у канцы змены і выяўляецца атрад - пераможца). - «Кветкі - весялінкі»;

Для арганізацыі і планавання выхаваўчай работы (яе карэкцыі) у канцы кожнага дня прадугледжаная рэфлексія. У канцы дня на вясёлку прылятае матылёк, на крылах якога адпаведным колерам дзеці адзначаюць свой настрой у атрадным вугалку.

¾   Чырвоны колер – Цудоўны дзень
¾   Жоўты колер – Вельмі добры дзень!

¾   Зялёны  колер – Дзень, як дзень!

На працягу змены праводзіцца праца па выяўленні розных здольнасцяў і інтарэсаў рабят, вывучаюцца іх асобасныя асаблівасці. Калі адзначаюцца дасягненні асобных дзяцей, яны атрымліваюць рознакаляровыя стужкі, або кветачкі.

За 18 дзён лагернай змены рабяты павінны:

¾   прыдумаць назву свайму атраду, выбраць камандзіра, аформіць свой атрадны вугалок, у якім павінны быць: экран чысціні, экран настрою

¾   пераплысці “Рэчку добрых спраў” (удзел у жыцці лагера, жыць па правілах і законах лагера) ;

¾   падняцца  на “Горы дасягненняў” (актыўны ўдзел у мерапрыемствах лагера);

¾   рэгулярна наведваць “Паляну творчасці”(атрыманне навыкаў, пазнанне новага, развіццё творчых здольнасцяў на базе творчых майстэрняў);

¾   спусціцца ў даліны “Здароўя” і  “Прыгажосці”;

¾   адпачыць на прывалах “Сяброўства” і “Узаемадапамогі”;

¾   наведаць затоку  “Мужнасці і спрыту”.

На працягу ўсяго перыяду змены працуе служба “Чарадзеі”, якая адсочвае ўзровень удзелу усіх удзельнікаў лагернай змены ў атрадных і агульналагерных справах. Выконвае пажаданні і прапановы падарожнікаў.

Кожны дзень групы бяруць удзел у галоўным мерапрыемстве дня – гэта экскурсіі, віктарыны, конкурсы. У канцы кожнага дня група, якая адкрыла новыя веды, якая  зрабіла добрую і карысную справу атрымлівае адну з чароўных каштоўнасцей і складвае у сваю “скарбонку”.  Тым самым будзе наглядна бачна, якія поспехі дасягнуты атрадам,  калі яны адшукаюць усе колеры вясёлкі.

Чароўны горад мае сваю назву, эмблему і дэвіз. Усе дзеці на працягу змены ўтвараюць розныя групы для падрыхтоўкі і рэалізацыі творчых праектаў. Новы дзень - новы праект. 

Атрыбуты да сюжэтна-ролевай гульні “У пошуках вясёлкі”:

¾   два камп’ютары,

¾   фотаапарат,

¾   буклеты,

¾   рознакаляровыя стужкі

¾   сувеніры,

¾   фотогазета.

Структура лагера і праца органаў самакіравання.

Кіраўніцтва змены ажыццяўляецца начальнікам лагера, за праграмнае і метадычнае забеспячэнне адказвае старэйшы выхавальнік. 

Задача выхавальнікаў атрада: максімальна забяспечыць усім выхаванцам магчымасць інтэлектуальнага развіцця, іх пазнавальных інтарэсаў, прадуктыўна працаваць па ахове і ўмацаванні здароўя дзяцей. 

Вышэйшым органам самакіравання з’яўляецца агульны збор удзельнікаў змены. Абавязкова ён збярэцца 2 разы, перад пачаткам лагера, каб зацвердзіць прапанаваны саветам план намечаных мерапрыемстваў і ў канцы змены для падвядзення вынікаў. Праводзяцца штодзённыя лінейкі, на якіх даецца старт маючым адбыцца мерапрыемствам і падводзіцца вынік мінулага дня. 

Дзейнічае орган самакіравання – Вялікая Рада, якая збіраецца штодня на пяцімінутку. Рада  распрацоўвае і зацвярджае асноўныя справы. У канцы кожнага дня падлічвае і падводзіць вынікі спаборніцтваў паміж камандамі.  Цеснае супрацоўніцтва і ўзаемадапамога падчас штодзённай каманднай гульні павінны з'яднаць дзяцей розных узростаў. Старэйшыя, напрыклад, будуць клапаціцца пра малодшых.  У канцы кожнага дня весяляты, якія адкрылі новыя веды,  зрабілі добрую і карысную справу, атрымліваюць кветкі пэўнага колеру і прымацоўваюць іх да макета вясёлкі.  Такім чынам, будзе наглядна бачна, як вясёлка паступова набірае сілу і становіцца яркай і прыгожай.  

Кожны дзень пачынаецца і заканчваецца лінейкай. На ранішняй лінейцы ўсім удзельнікам гульні на руку павязваецца стужка колеру дня. А на заканчэнне дня стужка пакідаецца толькі тым, хто вызначыўся на працягу дня ў дадзеным накірунку. Па выніках працы на працягу дня выхаванцы змогуць атрымаць і каляровыя кветкі, якія дапамогуць іх групе сабраць пэўны колер вясёлкі.

¾   Чырвоная кветачка– актыўны ўдзел у краязнаўчым мерапрыемстве;

¾   Аранжавая  кветачка – актыўны ўдзел у здароўезберажэнні;

¾   Жоўтая  кветачка – актыўны ўдзел у творчай дзейнасці;

¾   Зялёная кветачка – актыўны ўдзел у экалагічных мерапрыемствах;

¾   Блакітная кветачка – актыўны ўдзел у турысцкіх паходах; 

¾   Сіняя кветачка – актыўны ўдзел у спартыўных мерапрыемствах;

¾   Фіялетавая кветачка – актыўны ўдзел у даследчай дзейнасці;

Дзіця атрымлівае дзве кветачкі, адна прымацоўвавецца да вясёлкі, а другая ў асабісты дзённік выхаванца. У канцы змены кожнае дзіця становіцца магістрам якога-небудзь колеру і атрымлівае дыплом, які сведчыць пра яго дасягненні. А той, хто сабраў са стужак вясёлку з сямі колераў, становіцца захавальнікам вясёлкі, атрымлівае права запаліць вясёлку над чароўным горадам на закрыцці змены, а яшчэ атрымлівае ў падарунак рознакаляровы, вясёлкавы браслет – фенечку.

Арганізуецца стымуляванне дзяцей, якія наведваюць лагер:

¾   невялікія салодкія прызы за перамогу і ўдзел у агульналагерных мерапрыемствах; 

¾   граматы, кніга рэкордаў лагера, дошка гонару; 

¾   уручэнне значкоў адрознення.